Квиз натпревар за здрава храна во „Праскичка“
06-02-2015 РЕГИОН

Квиз натпревар со дечињата од средната и големата група-насловен како витамини за здравјето многу фини, реализираше детската градинка Праскичка Росоман. Согласно Министерството за труд и социјална политика кое за 2014-2015 година воведе програма за едукација на деца од предучилишна возраст во установи за згрижување и воспитување на деца во процесот на одгледување и консумирање на здрава храна.Во рамки на оваа програма градинките во своите објекти изработијаи леи , односно органиски градини во кои што децата во раната пролет ќе започнат со сеење и садење на зеленчук што може да се одгледува во тој период.Воспитувачите ја имаат главната улога за едукација на децата за примена на здрава храна укажувајќи им ги приоритетите и хранливите состојки најчесто преку говорни игри, приказни, серија слики и интерактивни боенки.

 

Токму затоа го организиравме и овој квиз. Многу полесно е целта да ја постигнеш со креативен начин, а вака го привлекуваме вниманието да најмладите и ги тераме да размислуваат и да бидат паметни, но и свесни за начинот на исхрана, велат од детската градинка Праскичка Росоман. Преку разни игри и квизови на интерактивен начин им посочуваме што е корисно за нив да јадат,а што да избегнуваат.Истотака преку песнички и стихотворби ги запознавме со витамините и нивното значење, додаваат од Праскичка.

 

Децата без негодувања го прифаќаат менито со овошје и зеленчук и активно учествуваат во самиот процес на подготовка на храна, од правилно миење до сецкање.Но, за да се постигне резултат, неопходно е да се едуцираат и родителите во здравата исхрана на децата, потребно е освен во градинките здраво да се хранат и дома. Тоа се две алки кои треба да бидат врзани за да се дојде до очекуваниот резултат, кој генерално на ниво на државата се очекува да се постигне, сметаат надлежните.

 

М.Младенова

 



Додади коментар