Нова реконструкција на тротоарот на „Страшо Пинџур“ поради лошо изведена работа
09-04-2019 РЕГИОН
Фотографија на Митко Јанчев - Градоначалник на Општина Кавадарци.

По само неколку месеци од изведбата на реконсруираната делница од тротоарот на улицата „Страшо Пинџур“, општина Кавадарци превзеде мерки за санација на регистрираните оштетувања на целосно новата бетонска подлога -  информираат од локалната самоуправа.

 


Станува збор за дел од тротоарот на спојот со улицата „Народни херои“ во правец кон бараката „Слога“. Поради видливи оштетувања на кои реагираа граѓаните, општината презеде мерки за санирање и исправање на пропустите.

 

Деновиве во целост беше отстранет неквалитетно изработениот и оштетен бетон, а теренот беше доведен во првобитна состојба. Согласно договорот, трошокот за поправањето на пропустите со изведбата на тротоарот, паѓа на товар на изведувачот.
Општината ја информира јавноста дека за оваа намена не издвојува дополнителни средства, ниту пак плаќа двојно, со што не се нанесува никаква дополнителна штета на Буџетот.


Напротив целта на оваа реконструкција е граѓаните за своите пари да добијат квалитетно извршена работа.

 

 

Додади коментар