(ВИДЕО) МЗШВ и лозарите заедно ќе ја кројат интервентната мерка за поддршка на лозарството поради сушата
18-09-2019 РЕГИОН

Министерството за земјоделствто на состанок со лозарите дополнително ќе ја утврдува висината на интервентната мерка со која државата ќе ги поддржи производителите на грозје. Министерот Димковски денеска од Росоман најави дека во разговорите ќе се согледа и загубениот принос поради сушата.

 

„ Бербата е при крај. Знаете со какви се проблеми се соочувавме. Во последниот месец бевме интензивно во комуникација со лозарите. Крајна оценка ќе дадеме со завршување на бербата. Бербата на црните сорти е при крај, смедеревка се бере, останува уште станушина. Се очекуваше вишок на грозје, но сушата си го направи своето. Ќе биде собрано сето грозје што ќе биде понудено. Годинава ќе се интервенира повторно интервентно. Овие денови ќе седнеме со лозарите. Рековме мерката ќе ја дизајнираме според потребите. Имаше доста предели со суша. Приносите се намалени за 20-30%. Ќе го имаме во предвид и тоа и во разговороите ќе го направиме тоа што е најдобро за лозарите“ изјави Димковски.

 

 

Тој апелираше земјоделците да влегуваат во договорни обврски со самите винарии, за да се планира производството, а со самото тоа да се разговара и за квалитет.

 

Министерот Димковски заедно со директорот на Агенцијата за финансиска поддршка во земјоделството, Николче Бабовски, беа во посета на винарија во Росоман, која инсталира опрема со поддршка од ИПАРД програмата. Повратени се 16,8 милиони денари, половина од инвестицијата.

 

 

„И компаниите и државата навистина знаеме како треба да се искоритстат евроспките фондови односно се она што е на располагање за модернизација и осовременување на производството“ нагласи директорот на агенцијата за финансиска поддршка.

 

Ангел Данов

Додади коментар