10 нови случаи на Ковид 19 во Кавадарци, еден во Неготино
13-08-2020 РЕГИОН

Продолжува да расте бројот на нови позитивни на корона вирус во Кавадарци. Денеска се дијагностицирани десет нови случаи, потврдија од Центарот за јавно здравје. Новите позитивни се на возраст од 9 до 69 години.

 

„Има еден нов позитивен случај и во Неготино. Лицето е на 69 годишна возраст хоспитализирано во болница и поради други заболувања. Работиме на утврдување на контактите. Дел од новите позитивни биле во контакт со веќе заболени“ рече епидемиологот д-р Ристе Јовановски.

 

Апелот до сите граѓани е да ги почитуваат целосно мерките за заштита. Да се носат маски во затворен простор и кога не може да се одржува дистанца и да се избегнуваат собири со повеќе луѓе.

 

Во Кавадарци од почетокот на пандемијата позитивни се вкупно 143 лица, а во моментов активни се 107 случаи. 

 

Денеска Институтот за јавно здравје во Кавадарци регистрира четири оздравени пациенти кај кои се направени два контролни теста и истите се негативни.

 

А.Д



Додади коментар