Апел од кавадаречката полиција во пресрет на велигденските празници

По повод претстојниот празник Велигден, Полициска станица од општа надлежност Кавадарци апелира до сите граѓани на општините Кавадарци и Росоман да посветат поголемо внимание на заштита на сопствениот имот, личната безбедност и безбедноста на другите.

Од полицијата предупредуваат за време на празничните денови да не се нарушува на никој начин јавниот ред и мир и да се воздржат граѓаните од управување на возила под дејство на алкохол.

Им се укажува на сите граѓани дека како и секогаш се должни да се придржуваат и да ги почитуваат позитивните законски регулативи од сите области.

За сите девијантни и незаконити однесувања ПС ОН Кавадарци ќе ги превзема потребните мерки и активности за санкционирање на истите, согласно своите законски надлежности и овластувања.

Сите регистрирани такви појави и настани од страна на граѓаните да се пријавуваат на телефонскиот број 192, апелираат од полицијата.