УХМР најавува можно невреме утре попладне и ноќта
10-08-2016 МАКЕДОНИЈА
Од Управата за хидрометеоролошки работи на Македонија доаѓаат најави за нова дестабилизација на времето, пороен дожд и електрични празнења.
Поради продор на студен бран од север веќе од утре попладне и вечерта ќе имаме пороен дожд, грмежи, силни електрични празнења и силен ветер. Локално процесите ќе бидат изразени во форма на невреме.
Во петок преку денот ќе дува засилен до силен северен ветер, кој на места ќе достигнува брзина и над 90 км/час и ќе предизвика значителен пад на температурата на воздухот.
За време на викендот ќе преовладува стабилно и посвежо време - информира УХМР.
Додади коментар