На денешен ден пред 22 години телевизија КТВ започна да емитува телевизиска програма. За почеток нашата програма ја следеа само жителите од општина Кавадарци, а потоа со поставување на репетитор на репетиторскиот пункт Голем Љубаш нашата програма стана сдостапна и за жителите на Неготино и Росоман со наслените места.
КТВ во изминативе години континуирано расте и се развива. Со своите содржини, пред се информативната програма која се темели на објективност и непристрасност, стана нераскилив дел од секојдневието на кавадарачни и тиквешани. Постојано се стремиме на гледачите да им понудиме квалитет како од технички така и од програмски карактер.
Оваа година е мошне значајна за нашиот развој и работење. Од први јуни годинава телевизија КТВ прерасна во регионала тв станица. Сега нашата програма е достапна во повардарскиот регион. Програмските содржини преку дигиталниот мултиплексер на ОНЕ, преку каблеските мрежи, Макс тв и БООМ се достапни за гледачите на Кавадарци, Неготино,Росоман, Демир Капија, Градско, Велес, Свети Николе, Лозово и Чашка.
Наскоро во регионалните вести и во останатата програма на КТВ ќе отстапиме простори за секојдневието на граѓаните од сите општини каде се емитува нашата програма.
ВИ благодариме на подршката и вниманието што во овие 22 години во континуитет ја имаме од Вас. КТВ и понатаму останува сервис на граѓаните, останува Ваша телевизија.
Додади коментар