Вонредна седница на советот на општина Кавадарци: Хуманитарна помош за народот на Украина (ВИДЕО)
07-03-2022 РЕГИОН
Советот на општина Кавадарци на вонредна седница вечерва донесе одлука да се испрати хуманитарна помош за народот на Украина. Ваквата олдука уследи по доственото барање од здружението на украинци во земјава „Лесја Украинка“.
Седумнаесет советници гласаа „За“, додека советникот од Левица беше воздржан. Општината ќе издвои 600.000 денари за здружението кое ќе треба да набави прехранбени продукти, а со донации ќе се приклучи и бизнис секторот.
Градоначалникот Митко Јанчев и претседателот на советот Стојанчо Рамов упатија апел до кавадарчани и овој пат да ја покажат својата хуманост, а претставник на Здружението „Лесја Украинка“ упати благодарност за одобрената хуманитарна помош.
А.Д
Додади коментар