Директорот на винарија „Тиквеш“ си поднесе оставка

Надзорниот одбор на винарската визба "Тиквеш" на седницата одржана на 28 април годинава го констатира известувањето од Игор Илиевски за оставка и ослободување од функциите член на Управниот одбор и генерален директор на ВВ "Тиквеш" заклучно со 30.04.2017 кое што беше поднесено до Надзорниот Одбор на ВВ "Тиквеш" на 11.04.2017.

„Членовите на Управниот и Надзорниот одбор на 'Тиквеш' го потврдија придонесот на Илиевски во остварувањето на досегашните резултати и развојот на ВВ 'Тиквеш'", стои во известувањето доставено до Македонската берза.

Истовремено, Надзорниот одбор на ВВ "Тиквеш" одлучи дека до изборот на нов член на Управниот одбор и генерален директор на ВВ "Тиквеш" овие функции ќе ги извршува претседателот на Управниот одбор, Светозар Јаневски.

Новата состојба стапува на сила со впишување на промените во Централиот регистер на Република Македонија.