КТВ со највисок рејтинг во Вардарскиот регион и во мај и јуни

Агенција за аудио и аудиовизуелни медиумски услуги ги објави најновите резултати од направеното испитување за досегот на радиостаниците и за уделот во вкупната гледаност на ТВ станици, за мај и јуни 2017 година.

Регионалната КТВ телевизија во континуитет е на врвот по гледаност во Вардарскиот регион. Помеѓу регионалните ТВ канали, најголем неделен досег во својот радиодифузен регион во мај и јуни остварува КТВ (15% од популацијата во регионот Д1 Велес.

Најгледани содржини на регионалните и локални телевизии се вестите, информативните програми и забавната или музичка програма.

Најголем дел од населението- 51.6%, телевизискиот сигнал го добива преку кабелски оператор, потоа следува IPTV со 28%, обична антена без месечна претплата 5,9% и сателитски приклучок – 4,7% од населението.

Анкетирањето беше извршено со употреба на CATI метода – телефонско интервју со помош на компјутер.

КТВ им благодари на своите гледачи за довербата која во континуитет ја има.