Во период август-октомври, општинската организација на Црвен Крст Кавадарци во компанијата „Еуроникел“ преку 15 курсеви одржани во просториите на компанијата спроведе обука за 150 вработени.

 

 

Курсната настава беше реализирана согласно Правилникот за обука по прва помош во РО и од вкупно 150 лица, 100 лица го поминаа основниот курс, додека 50 лица беа обучени за укажување на прва помош на дефибрилатор.

 

 

Сите 150 лица успешно ја завршија обуката по прва помош, истите беа тестирани и се здобија со уверенија за завршена курсна настава по прва помош на работно место.

 

 

Менаџерскиот тим и вработените изразија задоволство од постапката на целиот процес на изведување на курсната настава, со олеснат пристап и вежби на предавачот со вработените со цел за полесно совладување на планираната материја од областа на првата помош, а особено е тоа што обуките се изведуваа во услови на корона состојба.