Прес конференција на кандидатот за пратеник на СДСМ,Бетиане Китев

На 27 април избираме Претседател, но избираме и нов состав на Собранието на Република Македонија, нова извршна власт. 27 април е денот кога сите ние како граѓани ќе го имаме најмоќното орудие за да одлучиме за иднината на нашата земја- а тоа е гласачкото ливче.

Нема сила, нема институција, нема механизам кој смее да го узурпира вашето право на глас.

Почитувани сограѓани,

Во изминатите 8 години власт, ВМРО-ДПМНЕ за едни беше мајка за други маќеа. По изминати 8 години власт на ВМРО-ДПМНЕ секој граѓанин на Република Македонија очекува промени, подобра иднина и нов почеток.

Превземаме обврска пред Вас и ветуваме дека ќе ги решаваме проблемите кои се создадени од неразумната политика на актуелната власт.

Почитувани сограѓани,

По превземањето на власта, после 27 април ќе се залагам и јас и новата влада на СДСМ , грозјето редовно да се плаќа, социјалната помош ќе ја зголемиме за 40%, ќе го укинеме екстерното тестирање а ќе воведиме и ефтина викенд тарифа која ќе биде посебно потребна за социјално ранливите категории на граѓани и заштита од енергетска сиромаштија.

Бидејќи до изборниот молк има време а кампањата е се уште во тек, упатувам покана до кандидатите од ВМРО-ДПМНЕ и Ве повикувам на телевизиска дебата. Народот има право да ги слушне кандидатите, програмата и ставовите за прашањата кои се најважни за Кавадарци. Охрабрете се и прифатете телевизиско соочување.

Наша обврска е да дадеме придонес во зајакнување на демократскиот процес токму преку дебата и разговор за програмските определби на партиите .

Почитувани граѓани, Ве повикувам масовно да гласаме на 27 април за реден број 1, за носителот на листа за пратеници Хари Локвенец и за кандидатот за Претседател Стево Пендаровски со реден број 3!

(интегрален текст од прес конференцијата на Бетиане Китев)

Додади коментар