Младиот планинар Ване Бошев од Неготино во месец август ќе се обиде да ги освои врвовите Гросвендигер во Австрија висок 3666 метри н.в, Чугшпиц висок 2962 м.н.в и Алспиц висок 2628 м.н.в во Германија. Токму овие искачувања беа поводот Ване и неговиот татко Орданчо Бошев да го посетат градоначалникот на општина Неготино Ванчо Апостолов да разговараат и да го информираат за самите искачувања.

Градоначалникот Апостолов истакна дека секогаш го поддржувал Ване во неговите искачувања и освојувања на врвовите и му посака среќа и овој пат да успее да ги оствари зацртаните цели.

Ване, неговиот татко и петчлената планинарска експедиција од

  Македонија и Србија заминуваат на 4 август каде во периодот од 8 денови денови ќе се обидат да ги освојат овие три врвови. 

Доколку ги искачи овие врвови, Ване ќе постигне нов личен рекорд и ќе го постигне неговиот најголем успех, но и успех на Македонија, бидејќи ќе биде првиот македонец но и балканец кој на деветгодишна возраст се искачил токму на тие врвови.

Maja Алексовска 

Додади коментар

▼